Maidir leis an tionscadal

Is é Carraigeacha Sceirde, ar a dtugtar Sceirde Rocks i mBéarla, an suíomh atá beartaithe do cheann de na chéad fheirmeacha gaoithe mórscála amach ón gcósta a thógfar in Éirinn.

Is é an sprioc foinse fuinnimh ghlan, shlán a chur ar fáil a chabhróidh le hÉirinn 80% dá leictreachas a ghiniúint ó fhoinsí in-athnuaite fuinnimh faoi 2030.

Beidh acmhainneacht 450 MW ag an bhfeirm ghaoithe atá beartaithe. Beidh sé comhdhéanta de 30 tuirbín, le huasairde 325m go dtí an rinn.

Nuair a bheidh sí tógtha, cuirfidh an fheirm ghaoithe a dhóthain fuinnimh ghlan ar fáil chun cumhacht a sholáthar do níos mó ná 350,000 teach, rud a sheachnóidh astaíochtaí CO2 atá coibhéiseach le 180,000 carr peitril a bhaint de bhóithre na hÉireann.

Spreagfaidh sí infheistíocht sa gheilleagar áitiúil freisin, lena n-áirítear Ciste Sochair Pobail beartaithe ar fiú thart ar €3.5m é in aghaidh na bliana, gach bliain, thar thréimhse 20 bliain (infheistíocht iomlán de thart ar €70m).

Beidh ról lárnach ag feirm ghaoithe Charraigeacha Sceirde sa mhéid seo a leanas:

• cuidiú le hÉirinn a hídiú breosla iontaise a dhéanann damáiste don chomhshaol a laghdú
• neamhspleáchas agus slándáil fuinnimh na hÉireann a fheabhsú
• fuinneamh glan in-athnuaite a sholáthar do phobail na hÉireann a laghdaíonn a lorg carbóin

Is féidir leat i bhfad níos mó a léamh faoin tionscadal inár gCeisteanna Coitianta

Má fhaigheann an tionscadal toiliú, táimid ag súil leis an bhfeirm ghaoithe a thógáil idir 2026-2029 agus go mbeidh sí ag feidhmiú go hiomlán faoi 2030.

Tá an tionscadal á fhorbairt ag an ngnó gaoithe amach ón gcósta Corio Generation tríd an gcomhlacht Fuinneamh Sceirde Teoranta (FST) atá lonnaithe in Éirinn agus sa Ghaeltacht. Is comhfhiontar é FST atá faoi úinéireacht Corio Generation, comhlacht punainne de chuid Macquarie’s Green Investment Group, agus an infheisteora bonneagair dhomhanda Ontario Teachers’ Pension Plan.

Tá foireann tionscadail FST lárnach in Éirinn, le hoifigí i gCloich na Coillte, Co. Chorcaí agus i gCarna, Co. na Gaillimhe.