It looks like you are accessing the website from Ireland. Would you like to continue to the Sceirde Rocks Windfarm website in Irish or English?
Lean ort as Gaeilge Visit the English Site

Ciste sochair pobail

Home » Pobal » Ciste sochair pobail

Tabharfaidh Feirm Ghaoithe Charraigeacha Sceirde raon tairbhí don phobal le linn a céimeanna forbartha, tógála agus oibriúcháin, lena n-áirítear forbairt eacnamaíoch agus deiseanna fostaíochta.

  • Beidh Ciste Sochair Pobail, ar fiú na milliúin Euro é ar fáil thar thréimhse 20 bliain chun tacú le raon tionscnamh pobail inbhuanaithe ar chósta thiar Chonamara, ar Oileáin Árann agus sna ceantair máguaird. Forálann an Scéim Tacaíochta Leictreachais In-athnuaite Amach ón gCósta (ORESS), a thacaíonn le feirmeacha gaoithe amach ón gcósta go ndéanfar infheistiú €2 i scéim leasa pobail in aghaidh gach MWh leictreachais a ghintear. Meastar gurbh fhiú breis agus €3.5 milliún in aghaidh na bliana luach scéim pobail ORESS do Charraigeacha Sceirde nuair a bheidh an fheirm ghaoithe i bhfeidhm má cheadaítear go hiomlán di.

An Ciste Sochair Pobail, a bheidh á bhainistiú ag coiste a roghnófar ón bpobal áitiúil a chinnfidh, i gcomhairle leis an bpobal áitiúil, aidhmeanna agus cuspóirí an chiste agus a bhainisteoidh oibriú leanúnach an chiste le cúnamh ó riarthóir an chiste.

  • Cabhróidh an Ciste Sochair Pobail le maoiniú a dhéanamh ar thionscnaimh faoi thionchar an phobail, i gcomhairle le daoine áitiúla le cinntiú go mbeidh Feirm Ghaoithe Charraigeacha Sceirde in ann tionchar dearfach a spreagadh.
  • Ceapfar riarthóir ciste chun cabhrú leis an gcoiste aghaidh a thabhairt ar shaincheisteanna rialachais agus a chinntiú go gcloíonn an ciste leis na treoirlínte ábhartha.
  • Beidh ról lárnach ag an gCiste Sochair Pobail maidir le tacaíocht a thabhairt do ghníomhaíochtaí pobail a mbeidh buntáiste eacnamaíoch, sóisialta agus cultúrtha marthanach acu, lena n-áirítear cuidiú le caomhnú a dhéanamh ar theanga, cultúr agus traidisiúin na Gaeltachta, nithe a fhágann gur ceantar ar leith é an ceantar seo.
  • Beidh an ciste sochair pobail ar fáil ar bhonn céimneach ar thús na tógála agus beidh sé ar fáil ina iomláine nuair a bheidh an fheirm ghaoithe ag feidhmiú.
  • Sheol Fuinneamh Sceirde Teoranta ciste sochair pobail Fheirm Ghaoithe Amach ón gCósta Charraigeacha Sceirde i gCarna i Meitheamh 2023. Táthar ag súil go dtosóidh ranníocaíochtaí sochair pobail €2/MWh ORESS ar bhonn céimnithe ar thús thógáil na Feirme Gaoithe, le fáil iomlán ar an gciste nuair a bheidh an Fheirm Ghaoithe ag feidhmiú.